Rishtey continued
Magar aaj ke computerized dour mein rishte ki khubsurti kho sigayee hai.Rishta apni ahmiyat khota ja raha hai.Rishton ki nazakat ko log samajh nahin pa rahe hain .Apsi ikhtelafat ko log itni ahmiyat de rahe hain ke iss mein rishta apni ahmiyat kho chuka hai .Rishte ka paaswo lihaz karna log bhul rahe hain .Yaad hai to sirf ranjish ,dushmani ,dil ki kudurat dil se nikalti hi nahin "uss ne kabhi aisa kiya tha uss ne kabhi aisa kaha tha"Main kyun usey maaf karoon main kyun suleh mein pahel karoon,main kyun lkhtelafat bhul kar aalazarfi ka muzahira karoon ,nahin main kabhi nahin jhukoonga main apni haar nahin maanooga chahe zindagi haar jaoon"to kya rishta khatam ?haan khatam ,hum ek dusre ke liye margaye ,kya isstarah sirf keh dene se rishta khatam ho sakta hai ,kya ek dusre ke liye mar hi jaate hain ,agar nahin to phir itni duriyaan kyun?
Aaj lkkisween sadi mein har insaan apne saath rishtedaaron ki talkh yaadein liye phir raha hai balki yun kaha jaye ke rishte ka janaza apna apne kandhon par liye phir raha hai to munasib hoga .Rishton ka karb hamare dilon mein kahin poshida hai ke qaribi azizon ne bure waqt mein kis tarah beganon ka sa sulook kiya tha .ye saari yaden insaan ke dil kanton ki manind chubhi hui hain.Aaj ke dour mein rishta qususan khooni rishta jeene ki aas nahin balki zindagi ke liye aazar bana hua hai .Aor jiska hona na hona barabar ho gaya hai .Apne paraye ho gaye hain.khooni rishte ki kashish kho gayi hai .Musibat padne par ghair ke madad karne ki ummeed kar sakte hain magar apnon ki nahin ,Aaj ka insan in tamam khooni rishton ka karb seene mein chupaye zindagi guzar raha hai .
Magar iska ye matlab bhi nahin ke rishta bilkul hi apna bharam kho gaya hai nahin dunya mein abhi rishte ka bharam baaqi hai.Is rishte ka.bharam baqi hai to un logon se jinhon ne khuloos hamdardi ko rishte ki bunyad banaya hai aur aapsi mohabbat wo apnayat korishte mein puroya hai .Aise hi log rishte ka bharam rakhna jaante hain .Rishte ki nazakaton ko samajhte huye apni zindagi guzarte hain.Rishte par apne aap ko qurbaan karte hain.Jisse rishta mazboot se mazboot ter ban jaata hai.Aur aise hi rishton se dilon mein sukoon uterta hai .Zindagi ka lutf dobala ho jaata hai.
Hum to Allah taala se duago hain ke rishte ka bharam rakhne walon ka bharam rakh le ,in ka aitebaar na toote ke aise hi logon se zindagi roshan hai dunya mein ujala hai.
تبصرے
ایک تبصرہ شائع کریں